domingo, 4 de diciembre de 2011

Numenius continúa a súa andaina.



   O blogue leva xa tempo (demasiado) sen seres  actualizado, mais iso non quere  dicir que Numenius non seguira coas súas actividades, dentro das posibilidades dun grupo reducido como é o noso, claro está.

   Numenius participou activamente na creación da Asociación Galega de Custodia do Territorio (A.G.C.T.) xa no ano 2008, á que permanece vinculada dende entón. Participou tamén activamente na posta en marcha do CEN - Casa das Ínsuas en Rábade, xunto coa devandita AGCT , Drosera e Saramaganta.

   Con estas organizacións colabora estreitamente na convocatorias de diversas actividades, sempre có fin último da conservación como obxectivo ( proxectos de custodia, training days, proxección de documentais,…).

   Sen entrar en máis detalles das actividades pasadas, pretendemos, en adiante,  ir dando cumprida información sobre as que nun futuro se planifiquen e leven a cabo.

   E para comezar, o anuncio dun curso de Iniciación ás Aves Acuáticas Invernantes na Terra Chá, a celebrar no CEN - Casa das Ínsuas o día 10 de Decembro, e cuxo cartaz podedes ver na seguinte entrada.

  Para rematar, pedir a comprensión de todos aqueles que ao longo deste dilatado espazo de tempo seguiron visitando regularmente este sitio, atopándose cada vez con que non había novidades. Queremos pedirlles disculpas por elo e que saiban que é pola súa causa que se decide, facendo un novo esforzo, retomalo.

2 comentarios:

Enrique Sampedro Miranda dijo...

Noraboa por seguir coa actividade. Non é doado sacar tempo para adicarse altruistamente a estas cousas. Espero poder seguirvos con asiduidade, e quizáis coincidir algún día pola Terra Chá (de vez en cando gústame ir pola lagoa de Cospeito).
Saúdos.

numenius dijo...

Grazas Enrique, tentaremos mantelo minimamente actualizado, e a poder ser con contidos de interese.

Atoparse con algún de nós na lagoa de Cospeito non debía ser moi difícil, seguro que nas próximas ocasións.

Un saúdo