Día de censo periódico das lagoas de Caque e Cospeito. Amanece con vento moderado de compoñente sur, para paulatinamente deixar paso a choiva. Destacar as elevadas cifras de lavanco (Anas platyrhynchos), con 676 aves en Cospeito e 225 en Caque, o que sumado as cifras de Riocaldo nos da números próximos ás 1200 aves nos tres humidais máis importantes da chaira.
Das demais especies: cullerete (A. clypeata), pato frisado (A. strepera), pato cristado (Aythya fuligula), mergullón pequeno (Tachybaptus ruficollis) en Caque e asubiador (A. penelope), cullerete, pato frisado , pato cristado , pato chupón (Aythya ferina), mergullón pequeno , galiñola negra (Fulica atra) e galiñola común (Gallinula chloropus) en Cospeito, só destaca a cerceta común (Anas crecca) con 276 aves, pero aínda lonxe dos máximos invernais na zona. Fora das lagoas non puidemos observar gran cousa, nin na Espiñeira -algunhas avefrías (V. vanellus)- nin na Veiga do Pumar, xa que pola choiva nin baixamos do coche. (Óscar Rivas e David Calleja).
![](https://blogger.googleusercontent.com/img/b/R29vZ2xl/AVvXsEhaIGqq6yRN5W_xktEpjijPhx4tplkA42Ew-HRr7LEyh5zLUMX5PQB3QH9Ps5Mr5NNyr8Ubkzt3UYRLBNg6Bp7SUZoil_HX2hqJXfjxqGuEYTAJl1Rm0Dc5XrzAMOQvlA3ZQ-fV/s320/Corvos+mari%C3%B1os+II.jpg)
Grupo de corvos mariños nadando na lagoa grande de Riocaldo
Nas lagoas de Riocaldo un mínimo de 200 lavancos e 114 corvos mariños grandes (Phalacrocorax carbo) como máis destacable nunha tarde na que a meteoroloxía complicaba o conteo -lavancos e cercetas negábanse a sair de entre a vexetación- das non moi abondosas anátidas. 16 cercetas, 9 galiñolas negras, 1 asubiador e 4 mergullóns pequenos pechan as cifras. (Eva Villares e Jose Otero)
![](https://blogger.googleusercontent.com/img/b/R29vZ2xl/AVvXsEikgHRkTa8610xj1SmUBcmRmZmFq7GRPoqPBCFHV4pxvEB2JWlx-cU-1Pua1zDy7xuySltFP8mgoa4c9SVjfSRIBBhGIs34L90xPVVd8mPQoXwCgxtUhzD1Ut-sQJ1FscMNeBc2/s320/Corvos+mari%C3%B1os.jpg)
E outros no durmidoiro
Nota: as fotografías non son de hoxe se non do 20.12.06
No hay comentarios:
Publicar un comentario